አንድ የአርበኞች ግንባር አባል በእስር መቀጣቱ

ኀዳር ፲፰(አስራ ስምንት) ቀን ፳፻፯ ዓ/ም ኢሳት ዜና :- አርበኛ ጋሻው ሽባባው በሰሜን ጎንደር ዞን አዳርቃይ ወረዳ ከመንግስት ታጣቂ ሃይሎች ጋር ለ4 ወራት ሲፋለም በቁጥጥር ስር መዋሉን ከፍተኛው ፍርድ ቤት 19ኛው ወንጀል ችሎት የገለጸ ሲሆን፣ በዚህም ድርጊቱ የ4 አመት ከ8 ወር እስራት እንደፈረደበት ገልጿል።

አርበኞች ግንባር በወቅቱ ባደረገው ተደጋጋሚ ጥቃት ከ60 ያላነሱ የመንግስት ወታደሮችን መግደሉን አስታውቆ ነበር። መንግስት ምንም አይነት ጦርነት እንዳልተደረገ ሲያስተባብል ቢቆይም ከሁለት ወር በሁዋላ በጸረ ሰላም ሃይሎች የተደረገውን ወታደራዊ ጥቃት መመከቱንና ከፍተኛ ድል ማግኘቱን ገልጿል።

መንግስት ተመሳሳይ ጥቃት ይፈጸም ይሆናል በሚል ስጋት ሰሞኑን ጦሩን ወደ ድንበር አካባቢ እያንቀሳቀሰ ይገኛል።  መንግስትን በሃይል እናስወግዳለን በማለት ከሚንቀሳቀሱ ሃይሎች መካከል አርበኞች ግንባር፣ ግንቦት7 እና የአማራ ዲሞክራሲያዊ ድርጅት ውህደት ለመጀመር መስማማታቸው ይታወቃል። የእነዚህ ሃይሎች መዋሃድ በአካባቢው ላይ የሚፈጥረው የጸጥታ ስጋት ያሳሰበው ብአዴን ሰሞኑን ባወጣው መግለጫ፣ ህዝቡ ጸረ ሰላም ሃይሎችን በንቃት እንዲጠብቅ ተማጽኗል። በጠረፍ አካባቢ ያሉ ታጣቂዎች የጦር መሳሪያቸውን እየተቀሙ ሲሆን፣ የመከላከያ ሰራዊት አባላትም መረጃ ያቀብላሉ በማለት የሚጠረጥሩዋቸውን እዬያዙ በማስር ላይ ናቸው።

የ9ኙ ፓርቲዎች ትብብር ለአዳር የሚቆይ ተቃውሞ በመስቀል አደባባይ ለማካሄድ የእውቅና ጥያቄ አቀረበ

ኀዳር ፲፰(አስራ ስምንት) ቀን ፳፻፯ ዓ/ም ኢሳት ዜና :- ትብብሩ ህዳር 18 ለመስተዳድሩ ባስገባው የእውቅና ጥያቄ ፣ የተቃውሞ ሰልፉን በመስቀል አደባባይ ከህዳር 27 እስከ ህዳር 28፣ 2007 ዓም ለማካሄድ ማቀዱን ገልጿል።

የእውቅና ደብዳቤውን ኢንጅነር ይልቃል ጌትነት የሰማያዊ ፓርቲና የትብብሩ ሊቀመንበር፣ የከንባታ ህዝቦች ሊቀመንበርና የትብብብሩ ም/ሊቀመንበር አቶ ኤርጫፎ ኤርጌሎ፣ አቶ ግርማ በቀለ ከኦሞ ህዝቦች ዴሞክራሲያዊ ድርጅትና የትብብሩ ፀኃፊ እና የመኢዴፓ ሊቀመንበርና የትብብሩ ገንዘብ ያዥ አቶ ኑሪ ሙደሲር በጋራ ማስገባታቸውን ነገረ ኢትዮጵያ ዘግቧል፡፡

የትብብሩ አመራሮች ወደ መስተዳድሩ በሄዱበት ወቅት የአቶ ማርቆስ ተወካይ ለሆኑት አቶ ፈለቀ አበበ ደብዳቤውን ለመስጠት ጥረት ማድረጋቸውንና  ‹‹የከንቲባ ጉዳዮች ጽ/ቤት ኃላፊ አቶ አሰግድ ጌታቸው የለም፣  እሱ ካልመራበት መቀበል አንችልም›› በሚል ደብዳቤውን ለመቀበል ፈቃደኛ አለመሆናቸውን የገለጸው ነገረ ኢትዮጵያ፣  የትብብሩ አመራሮች  ታመዋል በተባሉት በአቶ ማርቆስ ተወካይ በአቶ ፈለቀ ቢሮ በአራት ምስክሮች ፊት ደብዳቤውን ማስቀመጣቸውን ዘግቧል፡፡ አመራሮቹ በኢትዮጵያ ፖስታ አገልግሎት ድርጅት በፈጣን መልዕክት መላካቸውንም ጋዜጣው ዘግቧል።

ለአንድ ቀንና ሌሊት የሚካሄደው ተቃውሞ ህዳር 27 ከጠዋቱ 3 ሰዓት ተጀምሮ ህዳር 28 ከቀኑ 6 ሰዓት ላይ ይጠናቀቃል። በጉዳዩ ዙሪያ የ9ኙ ፓርዎች ትብብር ገንዘብ ያዥና የመኢዴፓ ሊቀመንበር አቶ ኑሪ ሙደሲርን ስቱዲዮ ከመግባታቸው በፊት አነጋገርናቸዋል

የሕወሓት ሰዎች በብአዴን እና በኦሕዴድ ባለስልጣናት ላይ በአዲስ መልክ ሽብር እየፈጠሩ ነው

• 706

   
  EmailShare

- ክፍተኛ አነስተኛ እና ጥቃቅን በሚል ተከፍለው እየተሰለሉ ስልካቸው እየተጠለፈ መሆኑ ታውቋል::

– የሕወሓት ስጋት ውስጥ ውስጡን ክሻእቢያ ጋር ግንኙነቱን እንዲያጠናክር አድርጎታል::…
– የኢትዮጵያ ሕዝብ ውስኝ የለውጥ ወቅት ላይ መሆኑን አውቆ አደባባይ በመውጣትወያኔን ሊያስወግድ ይገባል::
ከፊታችን አደጋ አለ በሚል ከፍተኛ ስጋት ውስጥ የገቡት እና በመፍትሄፍለጋ ስብሰባዎች የተወጠሩት የሕወሃት ሰዎች ክከፍተኛ ባለስልጣናት ጀምሮ እንከ በታች ሹሞች ድረስ በብአዴንና በኦህዴድ ባለስልጣናት ላይ ክፍተኛ የማስፈራራት እና የማዋከብ ሽብር እየፈጸሙ መሆኑን አንድ ከፍተኛ የኢሚግሬሽን እና ደህንነት ባለስልጣን ለምንሊክ ሳልሳዊ ገልጸዋል::

በአዲስ አበባ እና በድሬዳዋ የሚገኙ የብአዴን እና የኦሕዴድ አባላት በግል እንዳይገናኙ እንዲሁም ከመከላከያ ሰራዊት መኮንኖች ጋር እንዳይገናኙ ከፍተኛ የሆነ ክትትል እየተደረገባቸው ሲሆን በባለስልጣናት ደረጃ እያንዳንዱ እንቅስቃሴ የሚያጠና የደህንነት ቡድን የተመደበባቸው ሲሆን ስልኮቻቸውም እየተጠለፉ መሆኑን እኚሁ ባለስልጣን ተናግረዋል::

የብአዴንና የኦሕዴድ ሰዎችን ከፍተኛ አነስተኛ እና ጥቃቅን በሚል ተከፍለው በሕወሓት እየተሰለሉ ስልካቸው እየተጠለፈ ሲሆን እንደ በግ የሚታዘዝላቸው የደቡብ ህዝቦች ዴሞክራሲያዊ ድርጅት ውስጥ ዘልቀው እንዳይገቡ ከፍተኛ ቁጥጥር እየተደረገ መሆኑ ታውቋል::ከዚህ ቀደም ከፍተኛ የሆኑ የብኣዴን እና የኦሕዴድ ከፍተኛ ባለስልጣናት መቀራረብ እና አብሮ መዋል የሕወሓት ሰዎችን ማሳሰቡን እና የደህንነት ክትትል እያደረጉባቸው እንደነበረና ከምክትል ጠቅላይ ሚኒስትሩ ከደመቀ መኮንን እና ከሙክታር ከድር ጀምሮ እስከ በታች የፌዴራል ባለስልጣኖች ላይ ከፍተኛ ስለላ እየተካሄደ ምንጮች መረጃ ሰተው እንደነበር ሲታወቅ ይህ በአሁኑ ወቅት በእጥፍ ተጠናክሮ መቀጠሉ ታውቋል::

ሁኔታዎች መልካም አይደሉም ከፊታችን አደጋ ተደቅኗል::ለውጥ ያስፈልጋል::የሚሉ የተቆጡ ድምጾች በስፋት በኢሕኣዴግ አባላት እየተሰሙ ያለበት አጣብቂኝ ውስጥ የከተተው ሕወሓት በግል እና በጋራ ባለስልጣናቱ ላይ ከፍተኛ ማስፈራራት እና ዛቻ እያደረገባቸው መሆኑን የተናገሩት ምንጮቹ ኢሕአዴግን ለመናድ ብትሞክሩ ሃገሪቷ ትበታተናለች::እንደ ሱማሊያ መንግስት አልባ ሆና እንደ ሩዋንዳ ትበጠበጣለች እያሉ ከማስፈራራትም አልፎ በግል የተነከራችሁበት ሙስና አደባባይ እናወጣዋለን:: እኛን ማንም ሊጠይቀን አይችልም ቁልፉ እኛ ጋር ነው የሚሉ በኣደገኛ መርዞች የተሞሉ ማስፈራሪያዎች መሰንዘር ክጀመሩ እንደቆዩ ተገልጿል::

የኢትዮጵያን ህዝብ እንደ ሶማሌ እና ሩዋንዳ ማስብ ጅልነት ነው::የኢትዮጵያ ሕዝብ ለውጥ እንጂ ፍጅት ስለማይፈልግ ኢሕ አዴግ ሲፈርስ ሕወሓት እንደሚያስበው ሳይሆን ትልቅ ሰላም በሃገሪቱ ላይ ይሰፍናል ያሉት ምንጩ የብኣዴን እና የኦሕዴድ ባለስልጣናት የየቀን ሪፖርት እና ግንኙነት በተመለከተ ማን ከማን ጋር እንደዋለ ማን እነማን ቤት እንደሄደ በመከታተል እየቀረበ ሲሆን የሃገሪቱን የደህንነት ቢሮ በጋራ የሚመሩት ጸጋዬ:ጌታቸውና ደብረጺሆን በየቀኑ ለትግሪኛ ተናጋሪ ደህንነቶች በአጫጭር ስብሰባዎች መመሪያ እያወረዱ ከመሆኑም በላይ አደጋ ውስጥ መሆናቸውን እየደጋገሙ እንደሚናገሩ ምንጮቹ አክለዋል::

በአሁን ወቅት የኢትዮጵያ ሕዝብ ወሳኝ የትግል ወቅት ላይ መሆኑን በማወቅ የበሰበሰውን የወያኔ አምባገነን ስርአት ለመጣል በጋራ አደባባይ በመውጣት የሚያካሂደውን አብዮት የመከላከያ ሰራዊት የፖሊሱ እና የብአዴን እንዲሁም የኦሕዴድ ፓርቲ ለውጡን እንደሚደግፉት የህዝቡን መነሳሳት እየጠበቁ መሆኑን እና ሕወሓት ከመስጋቱ የመጣ ከሻእቢያ ጋር በውስጥ ግንኙነቱን አጠናክሮ መቀጠሉን እንዲሁም ለተመረጡ የኤርትራ ስደተኞች የደህንነት ትምህርት የተሰጠ እንደሚገኝ እኚሁ ባለስልጣን መረጃ አድርሰውኛል::‪

#‎ምንሊክሳልሳዊ

በሚሰሩት መንገዶች ደስተኞች አይደለንም ሲሉ የባህርዳር ነዋሪዎች ገለጹ

ኀዳር ፲፱(አስራ ዘጠኝ) ቀን ፳፻፯ ዓ/ም ኢሳት ዜና :- የገዢው መንግስት በምርጫ 2007 ያለውን ተቀባይነት ለማጠናከር በማሰብ የተለያዩ የህብረተሰቡን ክፍሎች በየክፍለ ከተማው በማሰባሰብ የተሰሩ ስራዎችን በማቅረብ ለመመስገን ሙከራ ቢያደርግም፤ተሰብሳቢዎች ግን ምንም እንዳልተሰራና ተሰራ የተባለውም ችግር ያለበት እንደሆነ  ተናግረዋል፡፡

የመንገዶች መበላሸት ያሳሰባቸው ነዋሪዎች በአካባቢው ላሉ አመራሮች የስራውን የጥራት ጉድለት ቢያሳውቁም የተስተካከለ ነገር እንደሌለ ገልጸዋል፡፡  “በ2006 የተሰራው ስራ በሙሉ ዜሮ ነው፡፡ በየክፍለ ከተማው ያለው የሰራተኛ ቁጥር ከ 8 ወደ 102 እንዳደገ ብትነግሩንም ለኛ የተረፈን የባለስልጣን ጋጋታ እንጅ የህዝቡን ስራ የሚሰሩት በሳምንት ሁለት ቀን ብቻ ነው፡፡ አብዛኛውን ጊዜየችሁን በስብሰባና የፖለቲካ ስራ በመስራት  ታሳልፋልችሁ ” በማለት የተሰራው ስራ ለፖለቲካ ትረፍነት እንጅ ለህዝብ ተብሎ እንዳልሆነ የተናገሩ ወገኖች አሉ፡፡ ሌላው ቅሬታ አቅራቢ በአሁኑ ሰዓት ያሉ የኮብል ስቶን ስራዎች የመኪና ጎማ የሚደበድቡ ጥራት የሌላቸው በመሆናቸው በመንገዶች ዙሪያ የሚሰሩት የተፋሰስ  ስራዎች ሁሉ ጥራታቸውን ያልጠበቁ መሆናቸውን ተናግረዋል፡፡

በኮብልስቶን አሰራር የሚታዩ የጥራት ችግሮች ከአመት ወደ አመት እየተባባሱ ቢሄዱም ባለፈው አመት የሚታዩ ችግሮችን በመነጋገር መሻሻል ያለባቸውን ያፈጻጸም ችግሮች ሲቀረፉ እንዳልታዩ ና የሚበላሹ መንገዶችን የማስተካከል ስራ ሲሰራ እንደማይታይ የሽምብጥ ክፍለ ከተማ ነዋሪ ገልጸዋል፡፡

“በመንገድ ስራው መስክ እየተሰሩ ያሉ ስራዎች ጊዜያዊ እንጅ የወደፊቷን ባህር ዳር እድገት ያማከለ አይደለም ” ያሉት የፋሲሎ ክፍለ ከተማ ነዋሪ ራዕይ የሌለው አመራር መሆኑንንና  ስራው ራሱ እንደሚመሰክር ተናግረዋል፡፡

“በባህር ዳር ከተማ በሚገኙ ክፍለ ከተሞች ስራ ተሰርቷል ወይ ካላችሁ መልሳችን አልተሰራም ነው፡፡”በማለት የተናገሩት ቅሬታ አቅራቢ የህዳር 11 ክፍለ ከተማ ነዋሪ ሲሆኑ ብዙ መስራት እንደሚጠበቅባቸው ለከተማ አስተዳደሩ አመራሮች ተናግረዋል፡፡“እንዲያው እንመሰጋገን ካልተባለ በስተቀር የተሰራ ስራ አለ ለማለት አያስደፍርም” በማለት በአሁኑ ሰዓት በመንገድ ልማት የሚሰሩ ስራዎች ነገ የሚፈርሱ በመሆናቸው የይድረስ ይድረስ ስራዎች እንደሆኑ ተናግረዋል፡፡

በአሁኑ ሰዓት በባህር ዳር ከተማ የሚሰሩ የኮብልስቶን ንጣፍ ስራዎች በህዝብና ከተማ አስተዳደሩ መዋጮ ቢሰሩም መንገዶች በየቦታው ተጀምረው ሳይጨረሱ ወራትን በማስቆጠር በህብረተሰቡን ላይ ችግር ከመፍጠራቸው በላይ የንግድ ቤቶች በአግባቡ እንዳንሰራ እያገዱን ነው በማለት ያማርራሉ፡፡

ድንጋይ አንጣፊዎች ማሕበራት በበኩላቸው የከተማ አስተዳደሩ ማቅረብ ያለበትን የደቃቅ ዲንጋይ አቅርቦት ስለሚያዘገይ ስራው እንዲጓተት ማድረጉን ገልጸዋል፡፡

በምእራብ አርማጭሆ ወጣቶች የጸረሰላም ሃይሎች መጠቀሚያ እንዳይሆኑ ጥንቃቄ እንዲያደርጉ ተነገራቸው

ኀዳር ፲፰(አስራ ስምንት) ቀን ፳፻፯ ዓ/ም ኢሳት ዜና :- የብአዴን አመራሮች ሰሞኑን በዞኑ ባካሄዱት የወጣቶችና ሴቶች ጉባኤ ላይ ፣ የአካባቢው ወጣቶች የጸረ ሰላም ሃይሎች መሳሪያ ከመሆን እን  ዲቆጠቡ ጠይቀዋል።

ወጣቶቹ በግፍ የታሰሩ የአካባቢው የአንድነት ፓርቲ አመራሮች የሆኑት አንጋው ተገኝ፣ አባይ ዘውዱና ሌሎችም አባላት ታፍነው መወሰዳቸውን ተቃውመዋል። በተለይ የጋብላ እና የዘመነ መሬቅ ወጣቶች እውን ዲሞክራሲ የሚባለው በዚህ አገር አለ ወይ በማለት የጠየቁ ሲሆን፣ የመንግስት በደሎች ያሉዋቸውን ዘርዝረው አቅርበዋል።

ሁሌ እንሰበሰባለን ጠብ የሚል ግን የለም ያሉት ወጣቶች፣ ስራ አጥነት በከፍተኛ ሁኔታ መስፋፋቱንም ገልጸዋል። በአካባቢው ያለው የመሬት ስሪት ሲሰራ ባለሃብቱን እንጅ ድሃውን ግምት ውስጥ ያስገባ አይደለም ያሉት ወጣቶች፣ ይህን ተከትሎም ድሃው ህዝብ ለችግር ተዳርጓል ብለዋል።

በአካባቢው ከፍተኛ እውቅና የነበራቸው አንድነት አመራሮች መታሰር አሁንም ድረስ ከፍተኛ የህዝብ ቅሬታ እንደፈጠረ ነው።

በሃረር የፕሮቴስታንት ሃይማኖት ተከታዮች የሚያመልኩበት አንድ ቤተክርስቲያን እንዲፈርስ ተደረገ

ኀዳር ፲፱(አስራ ዘጠኝ) ቀን ፳፻፯ ዓ/ም ኢሳት ዜና :- ወኪላችን እንደገለጸው የመንግስት ታጣቂዎች ወደ ሰማያዊ ብርሃን ቤተክርስቲያን በመሄድ ማፍረሳቸውን ለማወቅ የተቻለ ሲሆን አንድ ፓስተር እስከባለቤታቸውና ሌላ አገልጋይ ታስረዋል። የሃረር አብያተ ቤተከርስቲያናት ሰብሳቢ የሆኑት አቶ ዮሴፍ አምደማርያም ታስረው ሲፈቱ ሌላው የቤተክርስቲያኑዋ ፓስተር አሁንም በእስር ላይ ይገኛሉ። ቤተክርስቲያኗ በአገር አቀፍ ደረጃ ተመዝግባ የምትንቀሳቀስ መሆኗ ታውቋል።

የክልሉ አፍራሽ ግብረሃይል አባላት 30 በሚሆኑ ታጣቂዎች ታጅበው በመምጣት ቤተክርስቲያኑዋን አፍረርሰዋል። በክልሉ የፕሮቴስታንት ሃይማኖት ተከታዮች ከፍተኛ ችግር እየደረሰባቸው እንደሆነ ለኢሳት ተናግረዋል።

በአብዛኛው በቀድሞ ባለስልጣናት የተመሰረተው ራያ ቢራ ፋብሪካ በቅርቡ ወደምርት ሊገባ መሆኑ ተሰማ፡፡

ኀዳር ፲፱(አስራ ዘጠኝ) ቀን ፳፻፯ ዓ/ም ኢሳት ዜና :- በቀድሞው የመከላከያ ኢታማጆር ሹም ሌተናንት ጄኔራል ጻድቃን ገብረትንሳይ የቦርድ ሰብሳቢነት የሚመራው ራያ ቢራ በቀድሞ የመንግስት ከፍተኛ ባለስልጣናትና ህወሃትን ተጠግተው በሚነግዱ ነጋዴዎች ከፍተኛ አክስዮን የተመሰረተ መሆኑን ምንጮች ይገልጻሉ። ማይጨው ከተማ ላይ የተገነበው ፋብሪካው 600 ሚሊየን ብር የተከፈለ ካፒታል አለው።

ከራያ ቢራ አክስዮን ባለድርሻዎች መካከል   ሌተናንት ጄኔራል ጻድቃንን እና  የቀድሞ የህወሃት ታጋይና የውጪ ጉዳይ ሚኒስቴር ከፍተኛ ባለስልጣን የነበረው የማነ ኪዳኔ እንዲሁም  በኢትዮ ኤርትራ ጦርነት ወቅት የመንግስት ቃል አቀባይ የነበሩት ወ/ሮ ሶሎሜ ታደሰም ይገኙበታል።  በመካከለኛው ምስራቅ በሚያደርጉት የንግድ ስራ የሚታወቁት አቶ ዳዊት ገ/እግዚአብሔር ከራያ ቢራ አክስዮን ውስጥ 157 ነጥብ 5 ሚሊየን ብር ወይንም 22 በመቶ በግለሰብ ደረጃ  በመያዝ ይመራሉ። አቶ ዳዊት ከፍተኛ አክስዮን መያዛቸው ምናልባት ከእሳቸው ጀርባ የህወሃት ሰዎች እጅ ሳይኖርበት እንደማይቀር ለጉዳዩ ቅርበት ያላቸው ወገኖች ይናገራሉ።

የቀድሞው የአዲስ አበባ ንግድ ምክር ቤት ፕሬዚዳንት አቶ እየሱስ ወርቅ ዛፉም የአክሲዎን ድርሻ አላቸው። ድርጅቱ 42 በመቶ የሚሆነውን አክስዮን ለቢጂአይ ኢትዮጵያ መሸጡ ይታወቃል።

ፋብሪካው በመጋቢት ወር 2010 በ58 ግለሰቦች የተመሰረተ ሲሆን በአሁኑ ወቅት የአክስዮን አባላት ቁጥር ከ2ሺ በላይ አድጎአል፡፡

በቅርቡ ከኢትዮጵያ ንግድ ባንክ 279 ሚሊየን ብር ብድር የወሰደው ይህው ፋብሪካ ብድሩን በቀላሉ ያገኘው የህወሃት ከፍተኛ ባለስልጣናት የነበሩና አሁንም በስልጣን ላይ ያሉ ሰዎች ስለተካተቱበት ነው የሚሉ አስተያየቶች ይቀርባሉ፡፡

በጉዳዩ ዙሪያ የፋብሪካውን ስራ አስኪያጅ ለማግኘት የተደረገው ሙከራ አልተሳካም።

በሌላ በኩል ደግሞ የህወሃት ኩባንያ የሆነው ሼባ ቆዳ ፋብሪካ ከባንክ ኤል ሲ ወይም ሌተር ኦፍ ክሬዲት ሳይከፍት በህገወጥ መንገድ ወደ ጣሊያን አገር የላካቸው በርካታ ኮንቴነር ቆዳዎች የተጠበቀውን ዋጋ ባለማግኘታቸው የድርጅቱን አመራሮች ማበሳጨቱን የውስጥ ምንጮች ገልጸዋል።

በትግራይ ክልል ውቅሮ ከተማ ላይ የሚገኘው የቆዳ ፋብሪካ የመንግስት ግብር ላለመክፈል ሲል በህገወጥ መንገድ ቆዳ ቢልክም፣ ጣሊያን ውስጥ ያልተጠበቀ ዋጋ እንዳጋጠመው ምንጮች ገልጸዋል። የድርጅቱ አመራሮች ገዢው ኩባንያ ባቀረበላቸው ዝቅተኛ ዋጋ ቆዳዩን ይሽጡ አይሽጡ የታወቀ ነገር የለም። የህወሃት ኩባንያዎች የመንግስት ግብር ሳይከፍሉ በመከላከያ እና በልማት ስም እቃዎችን ወደ አገር ውስጥና ወደ ውጭ እንደሚልኩ የሰባ ቆዳ ስራ አንድ ማሳያ ነው ሲሉ ጉዳዩን በቅርብ የሚከታተሉ ወገኖች ገልጸዋል።

በመቐለ አራት የፖሊስ ኮማንደሮችና ኣንድ የድህንነት አባል በወንጀል ተከሰሱ

በመቐለ አራት የፖሊስ ኮማንደሮችና ኣንድ የድህንነት አባል በወንጀል ተከሰሱ

ከአስገደ ገ/ስላሴ ወ/ሚካኤል
የአንድነት ለፍትህና ዲሞክራሲ (አንድነት) አባል ወጣት ሽሻይ አዘናው ለ24 ቀን መሰወሩ ተያይዞ በ26/02/2007ዓ.ም ከሚሰራበት የስራ ቦታው ታፍኖ በመቐለ ኮሙሽን ፖሊስ ክልል ትግራይ ልዩና ፅኑ እስርቤት ታስሮ ህገ መንግስታዊን መብቱ በመከልከል ጠበቃ እንዳያአማክረው ምግብ እንዳይገባለት ፡ ዘሞዶቹና ጓደኞቹ እንዳያዩት ተነፍጎት 12 ቀን ያህል በህቡእ ታሰሮበት ከነበረበት ተሰውሮ እስከ 18/03/2007ዓ.ም በጠቅላላ ለ24 ቀን በመሰወሩ መጀመርያ ከሰራ ቦታው አስገድደው ቤቱ በርቡረው አስፈላጊ ቁሳቁስ ወስደው የቀረው ንብረቱ `ላፊነት በጎደለው ጥለውት አስረው ለክልሉ ፖሊስ ኮምሽን መርማሪ ኮማንዶሮች ያስረከቡና፡ የክልሉ የምርመራ ኮማንደሮች ደግሞ ወጣቱ አስረው 24 ቀን በመሰወራቸው ምክንያት በመቐለ ቀዳማይ ወያነ ወረዳ ፖሊስ ፅ/ቤት በወንጀል ተከስው መሪማሪ ፖሊስየተከሰሱት ኮማንደሮች የማጣራት ምስክርነት ለመቀበል ለ23/03/2007ዓ.ም ለምስክሮች እንዲቀሩ ትእዛዝ ሰጥዋል፡፡
ከተከሰሱት ውስጥ የሚከተሉት ናቸው፡፡
1. ኮማንደር ገ/ሂወት ካሕሳይ የመቐለ ከተማ ፖሊስ ዋና ኣዛዥ
2. ኮማንደር ሙሩፅ በረኸ የመቐለ ከተማ ፖሊስ ምክትል ኣዛዥ
3. ኮማንደር አለም ምስግና የክልል ትግራይ ፖሊስ ኮምሽን ዋና የምርመራ ኣዛዥ
4. ኮማንደር ሰዓረ ምራጭ የክልል ፖሊስ ኮምሽን የምርመራ ተክኒክ `ላፊ
5. ሓጎስ በሚል ሥም የሚታወቅ የድህንነት አባል
የክሱ ዝርዝር ይዘት
የሃገራችን ህገመንግስት በመጣስ፡ ህግ አማካሪ በመከለከላቸው ምግብ እንዳይገባ ፡ ከዘመዳቸውና ጓዶኞቹ እንዳገናኝ ከማድረግ አልፉ ሽሻይ አዘናው አሁንም የለም ተሰውረወዋል በተጨማሪም እስካሁን አሁን በህቡእ ይሁን በግልፅ ፍርድቤቱ መቅረቡ አይታወቅም በማለት ክስ ዛሬ 18/03/2007ዓ.ም ገብቷል ፍትህ ይገኝ ይሆን ክትትሉ ለህዝቡ ከሻሽ ለአንድነት ለፍትህ ለዲሞክራሲ(አንድነት) በመወከል አቶ አስገደ ገ/ስላሴ፡-
የፖሊስ ኮማንደሮችና የድህንነት አባሉ ለፈፀሙት ወምጀል በምስክርነት የተመዘገቡ
1. መምህር ታደሰ ቢተውልኝ ከመቐለ
2. አቶ ገ/ሚካኤል ከመቐለ
3. ዓንዶም ገ/ስላሴ ከመቐለ
4. መምህር ገብሩ ሳሚኤል ከመቐለ
5. ጉዑሽ አዘናው ወረታ ከሰሜን ምዕራብ ዞን
ከላይ የተዘረዘሩት ተከሳሽ የፖሊስ ኮማንደሮች ከ30 አመት በላይ የህ.ወ.ሓ.ት ታጋዮች የነበሩ ናቸው፡፡ናቸው፡፡

ታላቅ የሰላማዊ ሰልፍ 02.12.2014 BERLIN ሰአት 08:30 (ጠ/ሚ አቶ ኃይለማሪያም ደሳለኝ ወደ በርሊን ጀርመን መምጣት መክንያት በማድረግ)

ታላቅ የሰላማዊ ሰልፍ 02.12.2014 BERLIN ሰአት 08:30

ከኢትዮጵያ ሰብአዊ መብት ኮሚቴ

የአለም ሰብአዊ መብት ቀን በሚጀምርበት ሳምንት የኢትዮጵያን አምባገነን ስርአት ጠቅላይ ሚኒስትር አቶ ኃይለማሪያም ደሳለኝ ወደ በርሊን ጀርመን መምጣት መክንያት በማድረግ

ታላቅ ሰላማዊ ሰልፍ ተዘጋጅቶዋል

የሰላማዊ ሰልፍ አላማ

1,በኢትዮጵያ ውስጥ የታሰሩት የፖሊቲካ  እስረኞች በጠቅላላ ባስቸኩዋይ  እንዲፈቱ

2,ኢትዮጵያ ውስጥ የሚደረገውን የሰብአዊ መብት ረገጣ እንዲቆም

3,ኢትዮጵያውያንን የሚያፈናቅሉ የሸንኮራ  አገዳ እርሻ  እና መሬት ቦንድ በዶቸ ባንክ በኩል ለዉጭ ነጋደዎች በዶላር ሽያጭን በመቃወም የጀርመን መንግስት እንዲሁም ያገሩ ነጋዴዎች እና

ዶቸ ባንክ ጸረ ሰብአዊነት ወንጀል ላይ መካፈሉን እንዲያቆሙ

4,የጀርመን መንግስት በኢትዮጵያ ውስጥ በስልጣን ላይ ላለው አምባገነን ስርአት የሚሰጠውን ድጋፍ እንዲያቆም

እንጠይቃለን !!!

በዉጭ ጉድይ ሚኒስትር ጽ/ቤት ፊትለፊት ኣልፎ ወደ Kanzler Amt ጽ/ቤት ፊትለፊት ቀጥሎም ወደ

Potsdamer Platz Deutsche Bank ፊትለፊት

ቀጥሎም የእርዳታና የኢኮኖሚ ትብብር ሚኒስትር ጽ/ቤት ፊትለፊት

ከዛም በ SPD ዋና ጽ/ቤት ላይ ያበቃል

ሰልፉ የሚጀምርበት ሰአት 08:30

ሰልፉ የሚጀምርበት ቦታ Neptunbrunnen

Spandauer Straße 10178 Berlin

Nähe  Rotes Rathaus

Info Tel:. 0160-4357232

menschenrecht-ethiopia@hotmail.de

እስረኞችን ለመጠየቅ ቃሊቲ የሄዱ ሰዎች በቁጥጥር ሥር ከዋሉ በኋላ ተለቀቁ

በአንድነት ፓርቲ በቃሊቲ እና ቂሊንጦ የሚገኙ የህሊና እስረኞችን ለመየጠቅ ወደስፍራው ያመሩ ወደ 30 የሚገመቱ ሰዎች ቀትር ላይ በቃሊቲ በቁጥጥር ስር ከዋሉ በኋላ መለቀቃቸው ታወቀ፡፡
የአንድነት ለዴሞክራሲ እና ለፍትህ ፓርቲ የህዝብ ግንኙነት ኃላፊ የሆኑት አቶ አስራት አብርሃ ከ30 ደቂቃዎች በፊት በስልክ እንደነገሩኝ ከሆነ ‹‹እነእስክንድርንና አንዷለምን መጠየቅ አትችሉም፡፡ ተባልን ከዚያም ‹‹ለምን?›› ብለን ስንጠይቅ በዋናው በር በኩል ኃላፊውን አነጋግሩ የሚል መልስ ተሠጠን፡፡ እኛም ይህንን አምነን ሄድን፡፡ ስንደርስ በቁጥጥር ሥር ውላችኋል ብለውን ወደ 30 የምንገመት ሰዎችን መታወቂያችንን ከመዘገቡ በኋላ በአንድ ክፍል ውስጥ ለጊዜው እንገኛለን›› ብለውኝ ነበር፡፡ አሁን ባገኘሁት መረጃ መሰረት ደግሞ በኮንቴይነር ውስጥ ታግተው የነበሩት እስረኛ ጠያቂዎች ከበድ ያለ ፍተሻ ተደርጎላቸው ከቃሊቲ ግቢ እንዲወጡ ተደርጓል

ታልቅ የተቃውሞ ሰላማዊ ሰልፍ በኖርዌይ ኦስሎ ተካሄደ!!!

• 
  

የዲሞክራሲያዊ ለውጥ በኢትዮጵያ ድጋፍ ድርጅት በኖርዌ የወጣቶች ክፍል አዘጋጅነት በዛሬው እለት ሀሙስ (November

27,2014) በኖርዌ ኦስሎ በእንግሊዝ ኢንባሲ ፊት በኖርዌይ የሚኖሩ ኢትዮጵያውያን ከሩቅም ከቅርብም በአንድነት

በመሰባሰብ ከቀኑ 13፡30 እስከ 15፡00 ስዓት ታላቅ የተቃውሞ ሰላማዊ ሰልፍ አካሄዱ።

የሰልፉ ዋና አላማ የግንቦት 7 የፍትህ የነፃነትና የዲሞክራሲ ንቅናቄ ዋና ፀሃፊና የሰባዊ መብት ተቆርቋሪ የሆኑት አቶ

አንዳርጋቸው ፅጌ በአንምባ ገነኑ የወያኔ ቡድን በህገ ወጥ መንገድ ታፍነውና ፍትህ ተነፍገው በእስር ቤት መታሰራቸውን

ለመቃወም ሲሆን በሰልፉ ስፍራ የተገኙ ሰዎች ሁሉ አቶ አንዳርጋቸው ለዲሞክራሲ እና ሰብአዊ መብት መከበር ከወጣትነት

ጀምሮ የታገለ ታላቅ የሰላም ምሳሌ፣ የፍትህ ተምሳሌት፣ የነጻነት በር ከፋች እንዲሁም አገራዊ ስሜት የተላበሰ አርበኛ እንጂ

እስር፣ ድብደባና መሰቃየት የሚገባው ሰው አልነበረም በማለት ለእንግሊዝ መንግስት በኢንባሲው አማካኝነት ዜጋዋን

ከአረመኔና ጨካኝ መዳፍ እንድትታደግና ፍትህ እንዲያገኝ በከፍተኛ ድምጽ አሳስበዋል።

ወጣቶች እጃቸውን በሰንሰለት በማሰር እኛም እንደ አርበኛው አንዳርጋቸው ጽጌና በእስር ቤት የሚሰቃዩ ኢትዮጵያውን

የቁም እስረኞች ነን የሚል ጥልቅ መልእክት አስተላልፈዋል። ብዙ መስራትና መጻፍ የሚችሉ እጆች፣ መናገር የሚችል

አንደበት፣ የእውቀት ባለቤት የሆነ አእምሮ ታስረዋልና እኛም ወጣቶች እስረኞች ነን በሚል ውስጣዊ ስሜት ለስዓታት

የኖርዌ ብርድና ቁር ሳይበግራቸው እጃቸውን በሰንሰለት በማሰር ድምጻቸውን ከፍ አድርገው አሰምተዋል።

እንዲሁም ሰልፈኞቹ የተለያዩ መፈክሮችን በመያዝ በታላቅ ድምጽና ስሜት ለኢንባሲው አሰምተዋል። ከአሰሟቸው

መፈክሮች መካከል ለአብነት “ UK, were is your citizen, Free Andrgachew Tsige, Andargachew is our

icon of democracy, where is your action , stop discrimination among citizens, Yes, we are all

Andrgachew Tsige, Brtain dont support terrirost regim in Ethiopia” የሚሉት ይገኙበታል::

ሰልፎኞችም የኢንግሊዝ መንግሥት የነጻነት ታጋዩን አቶ አንዳርጋቸው ፅጌን ከወያኔ እጅ እስካላወጡ ድረስ ተቃውሞው

በቀጣይ እስከ መጨረሻው ድረስ ከዚህ በበለጠ ቁጣና እልህ በተሞላበት ድምጻቸውን እንደሚያሰሙ ተናግረዋል።

በተመሳሳይም ለአንዳርጋቸው ያላችውን ፍቅርና ክብር በአደባባይ አስመሰክረዋል።

በመጨረሻም በድርጅቱ የተዘጋጀውን ደብዳቤ በድርጅቱ ሊቀመንበር በአቶ ዮሃንስ ዓለሙ አማካኝነት ለእንግሊዝ ኢምባሲ

ተወካይ ጉዳዩ ትኩረት የሚሻና ጊዜ የማይሰጠው መሆኑን ለማሳሰብ ቢፈለጉም ተወካይ ሊመጣ ባለመቻሉ ደብዳቤው በበር

ጠባቂው አማካኝነት እንዲደርሳቸው ተደርጓል። በተጨማሪም ደብዳቤውን በኢሜይል በድጋሚ እንደሚላክ ለሰልፈኞች

አሳውቀዋል። ወደፊት በሚደረገው ተቃዉሞ ላይ ተወካይ መጥቶ እስካልተቀበለንና አቶ አንዳርጋቸው የደረሱበትን

እስካላወቅን ድረስ ከኢንባሲው በር የማንቀሳቀስ መሆኑን ሁሉም በከፍተኛ ድምጽ አሰምተው ዝግጅቱ በተሳካ ሁኔታ ከቀኑ

15፡00 ተጠናቋል።

ዛሬም ነገም ሁላችንም አንዳርጋቸው ፅጌ ነን!!!

ድል ለኢትዮጵያ ህዝብ!!!

የዲሞክራሲያዊ ለውጥ በኢትዮጵያ ድጋፍ ድርጅት በኖርዌ

ናሽናል ኤርዌይስ 50 በመቶ የባለቤትነት ድርሻውን ሸጠ

• 
  

በኢትዮጵያ የግል በረራ አገልግሎት ውስጥ በመሳተፍ ከሚታወቁ ኩባንያዎች መካከል አንዱ የሆነው ናሽናል ኤርዌይስ 50 በመቶ ድርሻውን ሸጠ፡፡

ናሽናል ኤርዌይስ 50 በመቶ ድርሻውን የሸጠው በኢትዮጵያ የመጀመርያው የግል የበራራ አገልግሎት በማቋቋም ወደ ሥራ ገብቶ ለነበረው የጎሽ አቪዬሽን ባለቤት ለአቶ ዳዊት ገብረ እግዚአብሔር እንደሆነ ምንጮች ገልጸዋል፡፡

ናሽናል ኤርዌይስ በአሁኑ ወቅት አራት አውሮፕላኖችን በመከራየት በአገር ውስጥ የበረራ አገልግሎት እየሰጠ የሚገኝና በአትራፊነት የሚታወቅ ነው፡፡

በአቶ ዳዊትና በናሽናል ኤርዌይስ መካከል በተደረገው ስምምነት መሠረት የባለቤትነት ድርሻውን መስጠቱ የኩባንያውን አቅም በማሳደግ አገልግሎቱን ለማሳደግ ያስችለዋል ተብሏል፡፡ እንደ ምንጮቹ ገለጻ፣ አቶ ዳዊት ለ50 በመቶው የባለቤትነት ድርሻ ግዢ ምን ያህል ወጪ እንዳወጡ ባይገልጽም፣ ስምምነታቸውን በቅርቡ ይፋ ያደርጋሉ ተብሎ ይጠበቃል፡፡

አቶ ዳዊት፣ ጎሽ አቪዬሽንን በመመሥረት በአገር ውስጥ የበረራ አገልግሎት ጀምረው የነበሩ ቢሆንም፣ በኢትዮ ኤርትራ ጦርነት ወቅት አገልግሎቱ መቋረጡ ይታወሳል፡፡

በአሁኑ ወቅት መቀመጫቸውን ዱባይ ያደረጉት አቶ ዳዊት፣ በኢትዮጵያ ውስጥ በተለያዩ ኢንቨስትመንት ዘርፍ ውስጥ የተሰማሩ ሲሆን፣ በተለይ በቅርቡ የራያ ቢራ አክሲዮን ማኅበር ላይ 25 በመቶ የባለቤትነት ድርሻ በመግዛት ከፍተኛ ባለአክሲዮን ሆነዋል፡፡

በዋናነት ግን ኢንቨስትመንታቸውን ዱባይ በማድረግ በአውሮፕላንና በሔሊኮፕተር የመለዋወጫ ዕቃዎች ቢዝነስ ላይ ተሰማርተዋል፡፡ ከዚህም ሌላ በመድኃኒት አቅራቢነትም የሚታወቅ ኩባንያ ባለቤት ናቸው፡፡

በካፒቴን አበራ ለሜ የተቋቋመው ናሽናል ኤርዌይስ የመንገደኞች በረራ አገልግሎትን ጨምሮ የካርጎና የአየር አምቡላንስ አገልግሎቶችን በመስጠት በዘርፉ ልምድ ያለው ኩባንያ ነው፡፡

እ.ኤ.አ. ከ2008 ጀምሮ በበረራ አገልግሎት ላይ የሚገኘው ይህ ተቋም፣ የዓለም አቀፉ የአየር ትራንስፖርት አባል ነው፡፡

Source:: Ethiopian Reporter

አንድነትና መድረክ ተለያዩ

ሪፖርተር

ላለፉት ስድስት ዓመታት ገደማ ያህል በጋራ ለመሥራት ተስማምተው የተቃውሞ ጐራው ላይ በጋራ ሲሠሩ የነበሩት የኢትዮጵያ ፌዴራላዊ ዲሞክራሲያዊ አንድነት መድረክ (መድረክ) እና አንድነት ለዴሞክራሲና ለፍትሕ ፓርቲ (አንድነት) የነበራቸውን አብሮ የመሥራት ስምምነት አቋርጠው ተለያዩ፡፡

ሁለቱ ፓርቲዎች የቀድሞው የአንድነት ፕሬዚዳንት ኢንጂነር ግዛቸው ሽፈራው ሰጥተውታል በተባለው አስተያየት የተነሳ እሰጥ አገባ ውስጥ መግባታቸው የሚታወስ ሲሆን፣ አስተያየቱን አንድነት ያስተባብል በሚል ከመድረክ የቀረበው ጥያቄ ተቀባይነት ባለማግኘቱ ለፓርቲዎቹ መለያየት ከፍተኛውን ድርሻ መውሰዱን የሁለቱ ፓርቲዎች ባለድርሻ አካላት መግለጻቸውን መዘገባችን የሚታወስ ነው፡፡

ከሁለት ሳምንታት በፊት ዳግም የመድረክ ፕሬዚዳንት ሆነው የተመረጡት ፕሮፌሰር በየነ ጴጥሮስ ለአንድነት እስከ ኅዳር 15 ቀን 2007 ዓ.ም. ድረስ ገደብ መስጠታቸውን መዘገባችን የሚታወስ ነው፡፡

በዚህም መሠረት አንድነት ለመድረክ ኅዳር 11 ቀን 2007 ዓ.ም. በጻፈው የመልስ ደብዳቤ፣ ከመድረክ አባልነት መውጣቱን ገልጾ መጻፉን የመድረክ ሕዝብ ግንኙነት ኃላፊ አቶ ጥላሁን እንደሻው ለሪፖርተር አረጋግጠዋል፡፡

የአንድነት ብሔራዊ ምክር ቤት አፈ ጉባዔ አቶ አበበ አካሉ በበኩላቸው፣ ‹‹ከመድረክ ጋር በይፋ ተለያይተናል፤ ፊርማችንን ቀደናል፤›› በማለት ከመድረክ ጋር የነበራቸውን ግንኙነት ማቋረጣቸውን ለሪፖርተር ገልጸዋል፡፡

ለሁለቱም የፓርቲ አመራሮች ምርጫ በተቃረበበት ወቅት እንዲህ ዓይነት ውሳኔ መውሰድ አጠቃላይ ሰላማዊ ትግሉን አይጐዳውም ወይ የሚል ጥያቄ ሪፖርተር አቅርቦ ነበር፡፡ የሁለቱም ፓርቲ አመራሮች ጉዳት ማስከተሉን ተቀብለው ነገር ግን ከአቅም በላይ በመሆኑ መለያየት መፍትሔ እንደሆነ አስረግጠው ለሪፖርተር ገልጸዋል፡፡

በዚህ ረገድም ‹‹ይሄ እኮ ምንም ጥርጥር የለውም፡፡ የተቃውሞ ፓርቲዎች የጋራ ትብብር አለመኖር፤ ውህደት አለመኖር የኢትዮጵያን ሕዝብ ትግል ይጐዳዋል፡፡ ይህንን እናውቀዋለን፡፡ ነገር ግን ትግሉን እየጐዳው ቢሆንም አብሮ የማይሄድና የማይሆን ነገር ሲታይ አብረህ መቀጠል አትችልም፡፡ መለያየት አለብህ፤›› በማለት ልዩነቱ በመስፋቱ መለያየቱ የግድ እንደሆነ አቶ አበበ ለሪፖርተር አስረድተዋል፡፡

‹‹እንዲህ ዓይነት ውሳኔዎች ትግሉን እንደሚጐዳ ይታወቃል፤›› በማለት የገለጹት አቶ ጥላሁን በበኩላቸው፣ ‹‹የተቃውሞ ጐራውን ለመጉዳት የተነሱና የተመኙ ሰዎች የሠሩት ሥራ ጠቅላላ አንድነትና መድረክን ወደ መለያየት ወስዷል፤›› በማለት ለሪፖርተር አስረድተዋል፡፡

ከዚህ በተጨማሪም የሁለቱም ፓርቲ አመራሮች ወደፊት ስለሚያደርጉት የትግል አቅጣጫ የየራሳቸውን ዕቅድ ማዘጋጀታቸውን የገለጹ ሲሆን፣ ‹‹እኛ ቀድሞውኑ በአፍራሽ መልኩ የመጣውን እንዴት እንደምንቋቋምና እንዴት ትግላችንን በዚህ ጉዳት ምክንያት ሳይዳከም ሊቀጥል እንደሚችል የራሳችንን ሥራ ስንሠራ ስለቆየን ይህን ጉዳይ አሁን እንደ አዲስ አናየውም፡፡ በእኛ በኩል የራሳችንን ትግል በተጠናከረ ሁኔታ እንቀጥልበታለን፤›› በማለት አቶ ጥላሁን ቀጣይ ሥራቸውን ለሪፖርተር አስረድተዋል፡፡

በተመሳሳይ ሁኔታ አቶ አበበ በበኩላቸው፣ ‹‹መድረክ አንካሳ ነው ያደረገን፡፡ ነገር ግን አንካሳ ሆነን ከምንቀጥል ባለን ነገር ሮጠን ምርጫውን እኛ ባለን መዋቅር ብንጋፈጠው የተሻለ ውጤት እናገኛለን፤›› በማለት ለሪፖርተር ገልጸዋል፡፡